Tooltime

Am Samstag fanden in Mersch die nationalen Meisterschaften im Cyclocross statt. Lex Reichling war der souveräne Gewinner und sicherte sich erstmals das rot-weiß-blaue Trikot.

Im Videokommentar analysieren die zwei Redakteure Daniel Wampach und Joé Weimerskirch, wieso Reichling der verdiente Sieger war. Außerdem nehmen sie die Leistungen der anderen Favoriten Scott Thiltges und Vincent Dias dos Santos unter die Lupe.

Video

(RTL.lu) Um Krounebierg zu Miersch goufen e Samschdeg déi nei Lëtzebuerger Champione gesicht. Bei der Dammen Elite huet d’Christine Majerus näischt ubrenne gelooss.

An hei gouf et bei der Hären Elite eng Victoire fir de Lex Reichling. Den Coureur vum Tooltime Préizerdaul konnt sech virum Alzenger Scott Thiltges behaapten. Als 3. ass iwwerdeems den Téitenger Vincent Dias dos Santos iwwer d’Ligne d’Arrivée gefuer

De Lex Reichling hat an der Mëtt vun der Course déi decisiv Attack gesat. Hien ass sech du séier eng Avance vu gutt 20 Sekonnen erausgefuer an huet dës vun Tour zu Tour ëmmer weider ausgebaut, fir sech d’Victoire mat enger Avance vun iwwer 1 Minutt souverän ze sécheren. Et ass den 1. Championstitel fir hien an och deen 1. bei der Elite fir säi Veräin den Tooltime Préizerdaul.

Video

(RTL.lu) Beim Cyclocross zu Hesper kënnt hannert dem Dias dos Santos de Scott Thiltges op déi 2. Plaz. Leschte Plaz um Podium ass fir de Raphaël Kockelmann.

De Cyclocross um Hesper Holleschbierg war déi leschte Course fir d’Coureure virun de Landesmeeschterschaften nächste Weekend zu Miersch. Gespaant huet een op déi 2 Favoritte Lex Reichling a Scott Thiltges gekuckt. Béid Cycliste konnte bis ewell 4 Victoire feieren.

Bei den Hären huet sech awer iwwerraschend de Vincent Dias dos Santos virun der staarker Konkurrenz duerchgesat. Op déi 2. Plaz fiert den Alzenger Scott Thiltges. Als beschten Espoir fiert op déi 3. Plaz de Raphaël Kockelmann. De Lex Reichling kënnt op eng enttäuschend 4. Plaz.

Bei den Dammen huet sech d’Marie Schreiber d’Victoire geséchert.

D’Course iwwer 13 Kilometer bei de Junioren huet den Tom Paquet gewonnen. Op d’Plazen 2 an 3 sinn de Mats Wenzel an de Alexandre Kess gefuer.

Bei de Masters war déi éischt Plaz fir de Christian Weyland virum Tom Flammang an dem Guillaume Schaeffler.

De Mathieu Kockelmann huet d’Course bei den Debutante virum Niels Michotte an dem Noa Berton gewonnen. Beschte Meedche bei de Dubantente war d’Liv Wenzel.

Hei sin Résultater vun den Tooltime-Coureuren:

(RTL.lu) Lex Reichling dominéiert Course zu Munneref
De Coureur aus dem Préizerdaul ka sech géint säi gréisste Konkurrent Scott Thiltges behaapten, deen op déi 2. Plaz fiert a Leader am General bleift.

Virun der Course waren de Scott Thiltges, dee bis elo 4 Victoirë feiere konnt, an de Lex Reichling, sengersäits mat 3 Victoiren, déi 2 grouss Favoritten op d’Victoire zu Munneref.

Bei den Hären huet sech 3 Woche virum Championnat de Lex Reichling seng 4. Victoire an dëser Saison konnte sécheren. Hie setzt sech no enger iwwerzeegender Leeschtung souverän virum Scott Thiltges an dem Fransous Victor Thomas duerch. De Scott Thiltges bleift duerch seng 2. Plaz Leader am Skoda Cross Cup.

De Lex Reichling fiert iwwerdeems en Donneschdeg eng Weltcup-Manche zu Zolder an der Belsch als Virbereedung op déi nächst Cyclocrossen.

Bei de Junioren huet de Léo Kraemer d’Course iwwer 11 km gewonnen. Op d’Plazen 2 an 3 sinn den Geoffrey Rausch an de Jo Schmitz gefuer.

Bei de Masters war déi éischt Plaz fir de Raphael Pierron virum Tom Flammang, deen elo neien Leader am General ass.
Hei d’Resultaer vun de Tooltime Coureuren :

(RTL.lu) De grousse Favorit Lex Reichling, deen déi läscht 3 Coursen fir sech entscheede konnt, misst sech engem staarke Scott Thiltges geschloe ginn.

De Scott Thiltges huet bei den Hären de Regionale Cyclocross zu Waarken gewonnen a bleift domadder de Leader am Skoda Cross Cup. Den Alzenger hat eng Avance vu 6 Sekonnen op de Lex Reichling aus dem Préizerdaul. Um Podium stoung nach de Fransous Loïc Bruetsch mat engem Réckstand vun iwwer 3 Minutten. Beschten Espoir war de Raphael Kockelmann als 4.

Bei de Junioren huet de Mats Wenzel gewonnen. Op d’Plazen 2 an 3 sinn den Noé Ury an den Tom Paquet gefuer.

Bei de Masters war déi éischt Plaz fir den Tom Flammang.
Hei sin Resultater vun den Tooltime Fuerer: