Tooltime

De 15. Cross vun der Saison war dëse Sonndeg mam internationale Cross zu Leudelange. Bei der Elite huet de Wietse Bosmans gewonnen. Bei de Junioren konnt sech de Kopecky Thomas durchsetzen. D’Course vun den Débutanten ass vum Jang Leyder gewonne gin.

3 Coureuren vun Tooltime sin och selektionnéiert fir op der WM zu Bieles un de Start ze goen: Lex Reichling (Elites) / Luc Turchi (E23) / Felix Schreiber (Jun)
Hei sin d’Resultater vun den Tooltime-Coureuren:

Dëse Samsteg waren National Championnater am Cyclocross zu Remerschen. All eis Cyclocross Coureuren waren um Rendez-Vous an op schweierem- an ganz kaalen a gefruerenem Terrain hun probéiert daat bescht meiglecht Resultat erauszefueren. Bei der Elite wollt de Lex Reichling seng Titelambitiounen matt 2 gewonnene Coursen ënnersträichen, mee leider hun him 2 Platten hei e Strëch durch Rechnung gemaach. Deen 2. Platten war op enger ganz ongenschtecher Plaatz an hien huet en halwen Tour missten laafen bis an de Posten a ganz vill Zäit verluer. Um Enn ass eng 7. Plaatz erausgefall op de Gewënner den Scott Thiltges. Bei den Espoirs huet de Luc Turchi eng Course sans-faute gemaach a konnt esou wei 2016 och 2017 Champion bei den Espoirs feieren. Bei de Junioren ass de Felix Schreiber ebenfalls mat Ambitiounen an Course gaangen, mee hien haat kee gudde Start an am Ufang vill Zäit verluer. Lues a lues huet hien sech awer novir geschafft a ganz knapp eng 2. Plaatz verfehlt. De Gewënner war hei de Tristan Parrotta an de Felix huet als 3. nach eng Plaatz um Podium kritt. D’Course vun de Débutanten ass gewonnen gin vum Jang Leyder, an den Jacques Gloesener haat kee gudden Daag erwescht an huet sech mat enger 6. Plaatz zefridde gin.

Hei sin d’Resultater vun den Tooltime-Coureuren:

Um Sylvesterlaaf zu Rambrouch waren och e puer Coureuren vun Tooltime um Start.

Eng gutt 10. Plaatz vir de Laurent Reichling (00:36:22) ënner 447 Konkurrenten. Den Aly Schartz ass den 69. gin (00:42:59) an den Steve Holzem huet sech als 283. klasséiert (00:53:46). Exellent Leeschtung bei de Kannerkategorien vum Numa, Luis, Rick, Philippe, Caroline.

E puer Photo’en

 

De 13. nationale Cross vun der Saison war op Sylvester zu Alzëng. Bei der Elite huet de Loïc Nennaux gewonnen. Bei de Junioren war de Nicolas Kess de Schnellsten. D’Course vun den Débutanten ass un den Theo Thomas gangen.

Um 1. Januar waren um internationale Cross zu Petange de Lex Reichling an de Luc Turchi um Départ. Dës Course ass vum Marcel Meisen domminéiert gin. De Luc Turchi konnt sech als gudden 19. an als eischte Lëtzeburger klasséieren. De Lex Reichling huet an der 2. leschter Ronn e Platte kritt an ass awer nach op déi 25 Plaatz komm als 4. Lëtzeburger.

Hei sin d’Resultater vun den Tooltime-Coureuren:

De 12. nationale Cross vun der Saison war dëse Samsteg zu Rëmmeleng. Bei der Elite huet de Loïc Nennaux gewonnen. Bei de Junioren konnt sech de Natan Patrois durchsetzen. D’Course vun den Débutanten ass vum Jang Leyder gewonne gin. Hei sin d’Resultater vun den Tooltime-Coureuren: