Tooltime

Felicitatiounen un d’Caroline Reuter vir seng 1.Plaatz bei de gemeinsamen Landesmeisterschaften vum Saarland, Hessen a Rheinland Pfalz bei der U15.

 

 

 

 

 

 

 

 

 

Den VV Tooltime huet an der Ouschtervakanz (08-15 Abrëll 2017) e Stage zu Fréjus organiséiert. Zesummen mam Velo Wooltz sin mir Freides owes mat engem groussen Bus vum Voyages UNSEN mat Velosunhänger op d’Côte d’Azur gefuer. Moies sin mir plus ou moins gudd ausgerascht bei guddem Wieder beim Hotel ukomm. D’Zemmeren waren prett an no e bessen Verhandelen, kruten mir der nach 3 méih vir dass och jidfereen Plaatz hätt.

Mettes war och schon déi éischt Trainingssortie wou d’Traineren festgestallt hun dass vill Verkéier zu Fréjus wär an, dass d’Gruppen onbedengt kleng gehalen missten gin. Samstes Owes hun eis 20 Minimes, Cadets, Debutants sech op de Fusssballs-Terrain gestierzt. Nodeem déi fransésisch Coureuren déi och do am Stage waren, hinnen de Ball an der Donkelheet geklaut haten, huet de Kevin d’Saach missten an d’Hand huelen an de Ball zereckeroberen. Sondes as an 4 verschiddenen Gruppen zolitt Velo gefuer gin, an dono Paris-Roubaix gekuckt gin. Méindes war och e strammen Programm virgesin. De Jos an de Claude sin all Daag an den Hotel komm vir mat hirer Grupp ze fueren an den Tooltime-Auto hannert de Minimes-Cadets gefuer an huet déi Midd, Verletzten oder Velosgeschiédegt opgelueden an d’Coureuren mat Waasser oder neien Schläich versuergt. Denstes hun d’Minimes, Cadets an Debutants just eng kurz Sortie bis bei e Glacebuttek gemaach vir. Och d’Juniors, Espoirs an Elites hun sech déi Freed net entgoen gelooss an hun d’Minimes a Cadets dohin begleet. Sie waren net wéineg iwerrascht festzestellen, dass et eng richteg Herausfuerderung as mat 11, 12 Jähregen déi nach net all vill Erfahrung op der Strooss hun, duerch de Verkéier ze fueren. Mettwochs war et un den Juniors, Espoirs, Elites vir e bessen ze relaxen während Minimes, Cadets, Debutants rem d’Bierger erop gerannt sin a mettes mam Bus op Sainte-Maxime gefuer sin vir e bessen op d’Plage ze goen. Donnestes a Freides as den Trainings-Programm weidergaang. Freides Owes as de Bus gepaak gin a schon war d’Woch eriwwer. Nom Velo as Fussball, Billard, Kicker an Pingpong gespillt, awer och gelungert, sech gebrongt, gelaacht an diskutéiert gin. E puer curiéis Detailer bleiwen ze ernimmen : e Schlëssel deen regelrecht vum Erdboden verschluckt gin as, eng rieseg Knupp déi sech innerhalb vun 3 Sekonnen um Jeff sengem Knéih gebild huet, véiereckegen Fesch deen engem spéitstens vum 4. Daag op de Geescht gaang as, e Lännermatch wou 35 Spiller géint de Ball gespillt hun, den Noah deen einfach emfällt an sech de Fanger brecht, Aerm a Been déi komesch rout geliecht hun, de Scott deen sech zwou Lokalbeautéen ugelaacht huet, de Scott deen seng Hausaufgaben mecht während déi aner Paris-Roubaix kucken, d’Fransousen déi eisen Jongen hir Zemmeren mussen botzen, den Ubleck vum Julien nierwend dem Rick, déi Knupp um Jang sengem Aarm déi vun Daag zu Daag méih rout an deck gin as, eng Bar déi meeschtens zou war wat zum Treff op der Wiss virum Kevin senger Terrasse gefouert huet, d’Michèle dat innerhalb vun 1,5 Stonn 3 Mol an dee selwechten Buttek Bananen kafen geet, déi 10 Hambuerger déi ee vun de Jongen, deen mir hei net nennen wellen, wollt mateneen verdrecken… Mir waren frou, dass kee gefall as an dass alles gudd iwwert d’Bühn gang as. D’Sonn war déi ganz Woch um Rendez-vous sou dass et agreabel Trainingskonditiounen waren. Et war eng flott Zesummenarbescht mam Velo Wooltz woduerch mir richteg flott Gruppen mat Cadets an Debutants haten, wat den Training interessant an sënnvoll gemaach huet. An och vir grous a kleng Tooltime-Coureuren war et eng gudd Geleenheet sech méi nozekommen. Hei e puer flott BILLER …

Dëse Sonndeg waren Junioren als Mixe-Equipe um „2.ten GP Bob Jungels“ angeschriwwen. Dest ass eng UCI-Course vir Junioren wou 28 Equipe ageschriwwen waren mat ca. 160 Coureuren um Start. Ze fueren waren um Circuit (Dippech-Duelem-Garnech-Holzen-Dippech) 12 Ronnen / 130km . Eis Equipe ass vum Charel Meyers (LC Tetange) an vum Dylan Thiel (F) verstärkt gin. Um Enn haate mir mam Felix Schreiber (82.) an mam Dylan Thiel (87.) 2 Coureuren déi zeitgleich mam Peloton op 0’39“ am Classement général waren.

Net esou gut ass et fir de Scott Hubert gangen deen no 400 Meter e Platten haat, an de James Bindels dee kurz drop an enger Chute war, an do séi Velo zerstéiert huet. Fir déi 2 war et dun onméiglech fir nees opzeschleissen, an se sin virzéiteg erausgeholl gin. Och de Philippe Leclerc huet an der 3. Ronn am Bierg lassgeloos. De Charel Meyers haat et bis an déi 7 Ronn gepackt. Och sie hun missten ophalen.

Fir eis Coureuren war et eng gutt Erfahrung vir op dem Top-Niveau matzefueren.

Den Freideg Owes, den 10 Februar hat de Maico e flotten Nightride organiséiert. Eng Grupp vun 15 Coureuren, vun Minimes bis Elites, sin ronderem Huelmes  a Brouch en Tirchen mam MTB gefuer während e puer fläisseg Helper Feier gemaach hun, an de Grill preparéiert hun. D’MTBiker sin iwwert d’Cross-Piste zu Brouch gefuer, mam Velo iwwer Beem geklotert, sin d’Strooss erofgeflitzt an eng gudd Stonn dono e bessen manner séier eropgekrackselt, an hun sech gefreet dass d’Schrondweiler Zwillingen sie dobei begleet hun. Dass ee Luuten oplueden muss, haaten der e puer vergiess. Dei 2 Philippen waren a beemol verschwonnen, emgekippt a fort, de Jacques as ouni Loft gefuer an as trotzdem ukomm, de Michel an de Gilles wollten d’Baach boykottéieren, de Rick as driwwer geflunn an den Tom as no langer Verletzungspaus erem ganz gudd a Form. De Paul, de René an den Albert hun dem Feier zougeflüstert an d’Wirschtecher perfekt preparéiert während d’Myriam, d’Claudine, d’Brigitte an d’Michèle sech em deen séissen Deel dono gekemmert hun. Den Alec war leider krank a konnt net matfueren, mee en huet sech et net huelen gelooss deen een oder aneren Thuringer mat engem Glühwäin eroofzespullen, de Feelener Ben war och dobäi, huet flott Fotoen gemaach an d’Gesellschaft mat e puer gudd plazéierten Witzer ameséiert. De Ben an de Maurice waren vir d’Zelt zoustänneg, hun déi Aufgab vierbildlech erleedegt an hun déi méih jonk Coureuren mat hirer Präsens erfreet. De Gilles, de Michel, de Rick an den Tom hun sech beim Feier ameséiert, sin déi eng oder aner Kéier baal dragefall an hun dobei gekickelt a gerolzt woubei d’Caroline emmer rem betount huet dass Gewalt keng Léisung as. Och dat klengt Anne-Marie war do, hatt huet mat senger Abenteurer-luut vir eng kloer Siecht gesuergt an mir hoffen dass hatt an e puer Joer mat um Velo setzt.
Et war ee gelongenen Owend wou d’Wieder zum Gleck mat gespillt huet. E groussen Merci u jidfereen deen dobei war!  PHOTOS

An enger flotter Atmosphère ass eis Generalversammlung 2017 oofgehale gin. No der Usproch vum Präsident, dem Jos, den déi grouss Leeschtungen vum Tooltime ernimmt huet, sei et, eis trei Coureuren, déi als Ambassadeur eise Verein an eis Gemëng dobaussen vertueden hun, oder d’Arbecht vum Veräin, deen 2016 e schwéier Joer hat an durch déi vill Oofgäng vun jonke Coureuren an och Betreier déi eise Veräin 2016 verloos hun, huet de Veräin nach an dem Bereich e Substanzverloscht, mée awer, wou de Veräin schon Leisungen gesicht huet an der och noch fënd. All dës Mesuren huet Michèle am Aktivitéitsbericht den, den Rëckbleck vun 2016 an och Prévisiounen vir 2017 enthalen huet erklärt. Do drënner sin all eis Manifestatiounen gefall, Cyclocross, Contre la montre, asw, mé och eis Trainingsgruppen déi iwer déi ganz Saison geschafft hun. Daat ass eise MTB Training, Rullentraining ënner der Leedung vum Maiko, deen eis Trainingsstrëck permanent ausbaut, de Ben deen eng ganz wichteg Stütz fir de Verain ass, an den Training a Cordinatioun zwëschen Coureur a Comité formidabel mecht, de Georges den den Stroossentraining mecht, den Tom, den d’Jongen a Meedercher mat sengem Savoir fir de Cyclocross trainéiert huet, an och de Jeannot Kayser den mat Trainingspläng eis grouss Coureuren op hier Zieler préparéiert. Och eis Trainingskoppératioun mam Velo Wolz, déi elo fir 2017 an engem Stage a Südfrankreich fir d’Ouschteren weidergefouerd get, ass erklärt gin. All weider Informatiounen iwer dëse Stage kréien Coureuren, déi ageschriwwe sind an dene nächsten Deeg matgedeelt wou dann nach och eng Informatiounsversammlung organiséiert get. Et ass dun mam Keesebericht vum René weidergangen, wou trotz gudde Recetten, awer Defizit durch eis nei Uniform war, déi mir 2016 krit hun. De Volet Uniform ass awer fir 2017 an 2018 net méi esou massiv, esou dass eis Kees gesond bleiwt. D’finanziel Situatioun fir 2016 ass positiv. De Kasserévisor huet daat och konnten bei senger Inspectioun vun de Konten feststellen an huet eisem Caissier seng Décharge gin. Dono war et de Burgermeeschter, Fernand Heyard, den op déi goud Zesummenarbecht zweschen dem Tooltime an der Gemëng agangen ass, an huet och sech Erfreed gewisen iwer déi gudd Resultater dei den Tooltime errecht huet an dass de Préizerdaul e permanente Bestandeel an der Velos-Presse ass. Dass den Tooltime op der Weltmeeschterschaft an all de Kategorien (Jun, E23 an Elite) jeweils de Beschte Lëtzeburger gestallt huet, huet eis Gemëng erfreed, an déi drei Laureaten, Felix Schreiber, Luc Turchi an Lex Reichling sin separat vun der Gemeng mat engem Merci geéiert gin.  No enger fréier Ausproch, huet de Comité dun all senge Coureuren fir hier gudd Performancen 2016 gratuléiert a Merci gesoot.

D’Coureuen déi 2016 e Championstitel, e Podium um Championnat MTB, Cyclocross oder Stroos, oder eng Course gewonnen hun, op enger Weltmeeschterschaft Lëtzebuerg op der Stroos oder Cyclocross vertrueden hun sin separat geéiert gin. Och ass eis Equipe déi 2016 d’Flèche du Sud gefuer ass, an do baal komplett durch déi grausam Chute op der 2. Etappe zu Nagem, déziméiert gin ass, ass net vergies gin. Esou och wéi den Tom Hermes, deen durch eng Chute eng ganz Saison ausgefall ass, ass als „meilleur malchanceux“ geeiert gin. Den Titel vum „méiller progresseur“ ass un den Jacques Gloesener gangen. Den offiziellen Deel vun eiser Generalversammlung 2017 war eriwwer an ass dun durch e flotte gesellechen Owend mat engem Patt an klenger Agappe weidergefuert gin.