Championnats Nationaux en ligne

Nom Contre-la Montre war et de Samsteg a Sonndeg zu Remerschen un den Epreuven „en ligne“ . Hei waren och all eis Coureuren um Start an hun och gudd Resultater gemach. Bei de Minimes ass de Rick Meylender gudden 7. gin De Gilles Clees huet dei 12. Plaatz gemach an de Nicolas Seyler ass op 18 komm. Dun war et un de Cadets wou mir matt 2 Meedercher eng 1. an 2. Plaatz gewonnen hun. Caroline Reuter ass daat eischt bei de Meedercher a Championne gin. Knapp hannendrun op der 2. Paatz war Marie Schreiber.

De Philippe Gloesener huet déi 29. Plaatz gemach just virum Michel Clees op der Plaatz 30. Bei den Debutants war de Jacques Gloesener an de Philippe Reuter um Start. Fir déi 2 war et eng schweier Course an sie sin um Enn op Plaatz 11 an 13 komm. Bei der Course vun de Junioren haate mir och e Podium ze feieren:

Hei ass de Felix Schreiber knapp am Sprint geschloe gin an huet sech matt der gudder 3. Plaatz zefridde gin. Fir de James Bindels an Scott Hubert war et keen gudde Daag. Sie zwee hun virzeiteg opgehalen. Et war dun un der Course vun der Elite. Hei haate mir déi meeschte Coureuren um Start. 8 Ronnen waren ze fueren mat ca. 155km an et soll vir e puer Coureuren awer zevill sin, well de Rythmus vum neie Champion, Bob Jungels, phénoménal war.

Um Enn huet sech de Lex Reichling bei der Elite sans contrat, eng gudd 2. Plaatz erausgefuer, knapp geschloen vum Tim Diederich. De Podium ass awer excellent vum Alec Lang op der 3. Plaatz kompletéiert gin. Eng gudd Performance vum Maxime Weyrich deen de 5. Espoir gin ass (11. an der Course) an vum Rapael Schweitzer op der 18 esou wei och den Ben Philippe op der Plaatz 28. Fir all anner Fuerer, Claude Engelmann, Dean Weyer, Kevin Disteldorff, Maurice Thill a Philippe Reuland war et leider virzeiteg eriwer.